Для мяне ?#1118;вогуле зьяўляецца малазразумелай рэччу гэты від цаны, я не зусім разумею, у якой сытуацыі яна можа быць карыснай, таму калі патлумачыце, таксама буду ўдзячны. Тут спынюся на тым, як яна можа быць (і мне здаецца, нярэдка бывае) шкоднай.
Разгледзім сытуацыю, калі на лот стартавая цана стаіць 10 тысяч, схаваная мінімальная – 25, а бліц – 40.
Калі пакупнік бачыць мінімальную цану, ён ацэньвае, ці гатовы ён столькі заплаціць, магчыма, робіць стаўку з запасам. Калі яго стаўку перабіваюць, зноў прыкідвае, ці гатовы ён заплаціць яшчэ больш, павялічвае стаўку.
Дапусьцім, пакупнік дакладна не гатовы заплаціць 40, а 10 лёгка. Пасьля 10 ён атрымлівае паведамленьне, што мін. цана ня пройдзеная, ставіць 15 – ня пройдзеная, 20 – ня пройдзеная. Махнуў рукой: больш ня дам. Убачыўшы ж адразу 25, цалкам мог на 25 згадзіцца. 5 тысяч – не такія грошы. У выніку зьдзелка, якая магла адбыцца, не адбылася.
Мне здаецца, праблема ў тым, што прадаўцу навязваецца думка пра неабходнасьць задаць менавіта 3 розныя цаны: найменшая, сярэдняя і макымальная (стартавая, схаваная мінімальная і бліц) – паглядзіце на форму, тры аднолькавыя палі адно пад адным. Усё магло б быць прасьцей і працаваць эфэктыўней, калі б мінімальная цана была вынесеная асобна з акцэнтам на тое, што калі ўжо хочаце, то можаце задаць і такую, неабавязковую ў большасьці выпадкаў.
Вось такія нарадзіліся думкі. Дзякуй за ўвагу :)
Все разделы
